Page 22 of 27 FirstFirst ... 122021222324 ... LastLast
Results 316 to 330 of 400
  1. #316
    Join Date
    Jul 2011
    Location
    Lion City
    Posts
    8,510


    "எண்ணும் எழுத்தும் கண் எனத்தகும்" என்ற கோட்பாட்டின் படியே.. தமிழ் எழுத்துக்களை ஓரளவிற்கு அறிந்துள்ளோம்.

    அதே போல, எண்களை தமிழில் எழுதுவதும், நினைவில் கொள்வதும் சற்று சிரமமான காரியம் தான்.

    தமிழில் எண்களை எளிதில் நினைவு கொள்ள, இந்த வார - தினமலர் வாரமலரில் இடம்பெற்ற வாக்கியம் மிகவும் பயன்படும்.

    "'க'டுகு 'உ'ளுந்து 'ங'னைச்சு 'ச'மைச்சு 'ரு'சிச்சு 'சா'ப்பிட்டேன் 'எ'ன 'அ'வன் 'கூ'றினான் 'ஓ' என்றாள்"

    இந்த சொற்றொடரில் உள்ள வார்த்தைகளின் முதல் எழுத்துக்கள் தான் தமிழில் எண்களின் குறியீடாகும்.

    க - 1
    உ - 2
    ங - 3
    ச - 4
    ரு - 5
    சா - 6
    எ - 7
    அ - 8
    கூ - 9
    ஓ - 0

    தமிழின் அழகையும், சுவையும், பெருமையும் இதன்மூலம் அறியலாம்.

    >!!< AnGeL >!!<
    LoVe Is ThE mAsteR kEy To HapPinEsS

  2. #317
    Join Date
    Jul 2011
    Location
    Lion City
    Posts
    8,510
    தெரிந்த திருக்குறள் தெரியாத பல தகவல்:

    தமிழில் உள்ள நூல்களிலேயே சிறப்பிடம் பெற்ற நூல் திருக்குறள். இது மனித வாழ்வின் முக்கிய அங்கங்களாகிய அறம் அல்லது தர்மம், பொருள், இன்பம் அல்லது காமம் ஆகியவற்றைப்பற்றி விளக்கும் நூல்.இந்நூலை இயற்றியவர் திருவள்ளுவர் என்றும் அனைவருக்கும் தெரியும். இந்த திருக்குறளைப்பற் ி சில அரிய தகவல்..

    திருக்குறள் முதன்முதலில் அச்சிடப்பட்ட ஆண்டு-1812
    திருக்குறளின் முதல் பெயர்- முப்பால்
    திருக்குறளில் உள்ள அதிகாரங்கள்- 133
    திருக்குறள் அறத்துப்பாலில் உள்ள குறட்பாக்கள்-380
    திருக்குறள் பொருட்பாலில் உள்ள குறட்பாக்கள்-700
    திருக்குறள் காமத்துப்பாலில் உள்ள குறட்பாக்கள்-250
    திருக்குறளில் உள்ள மொத்த குறட்பாக்கள்-1330
    திருக்குறள் அகரத்தில் தொடங்கி னகரத்தில் முடிகிறது.
    திருக்குறளில் உள்ள சொற்கள்-14,000
    திருக்குறளில் உள்ள மொத்த எழுத்துக்கள்- 42,194
    திருக்குறளில் தமிழ் எழுத்துக்கள் 247-இல், 37 எழுத்துக்கள் மட்டும் இடம் பெறவில்லை
    திருக்குறளில் இடம்பெறும் இருமலர்கள்-அனிச்சம், குவளை
    திருக்குறளில் இடம்பெறும் ஒரே பழம்- நெருஞ்சிப்பழம்
    திருக்குறளில் இடம்பெறும் ஒரே விதை- குன்றிமணி
    திருக்குறளில் பயன்படுத்தப்படாத ஒரே உயிரெழுத்து-ஒள
    திருக்குறளில் இருமுறை வரும் ஒரே அதிகாரம்- குறிப்பறிதல்
    திருக்குறளில் இடம்பெற்ற இரண்டு மரங்கள்- பனை, மூங்கில்
    திருக்குறளில் அதிகம் பயன்படுத்தப்பட்ட (1705) ஒரெஎழுத்து-னி
    திருக்குறளில் ஒரு முறை மட்டும் பயன்படுத்தப்பட்ட இரு எழுத்துக்கள்-ளீ,ங
    திருக்குறளில் இடம்பெறாத இரு சொற்கள்- தமிழ், கடவுள்
    திருக்குறள் மூலத்தை முதன் முதலில் அச்சிட்டவர்- தஞ்சை ஞானப்பிரகாசர்.
    திருக்குறளுக்கு முதன் முதலில் உரை எழுதியவர்-மணக்குடவர்
    திருக்குறளை முதன் முதலில் ஆங்கிலத்தில் மொழிபெயர்த்தவர்- ஜி.யு,போப்
    திருக்குறளை உரையாசிரியர்களுள 10-வது உரையாசிரியர்-பரிமேலழகர்
    திருக்குறளில் இடம்பெறாத ஒரே எண்- ஒன்பது.
    திருக்குறளில் கோடி என்ற சொல் ஏழு இடங்களில் இடம்பெற்றுள்ளது.
    எழுபது கோடி என்ற சொல் ஒரே ஒரு குறளில் இடம்பெற்றுள்ளது.
    ஏழு என்ற சொல் எட்டுக் குறட்பாக்களில் எடுத்தாளப்பட்டுள ளது.
    திருக்குறள் இதுவரை 26 மொழிகளில் வெளிவந்துள்ளது.
    திருக்குறளை ஆங்கிலத்தில் 40 பேர் மொழிபெயர்த்துள்ள ர்
    திருக்குறள் நரிக்குறவர் பேசும் வக்போலி மொழியிலும் மொழிபெயர்க்கப்பட டுள்ளது.

    >!!< AnGeL >!!<
    LoVe Is ThE mAsteR kEy To HapPinEsS

  3. #318
    Join Date
    Jul 2011
    Location
    Lion City
    Posts
    8,510
    உயிராகி மெய்யாகி ஆயுதமான தமிழ் மொழியில் ஒரு நிமிடத்திற்கு 15 மூச்சு, ஒரு நாழிகையில் 24 நிமிடங்கள், நாழிகைக்கு 360(15*24) மூச்சு எனச் சித்தர்களால் வகுக்கப்பட்டுள்ள ு.

    (இதை வைத்தே வட்டத்துக்கு 360 பாகைகள் வைக்கப்பட்டது)

    ஒரு மணி நேரத்துக்கு 900 மூச்சு, ஒரு நாளைக்கு 21,600 மூச்சு வீதம் ஓடுகிறது. இதற்கும் தமிழுக்கும் என்ன சம்மந்தம் என்று கேட்கின்றீர்களா ? சம்பந்தம் இருக்கிறது.

    இந்த 21,600 மூச்சுக்களைக் குறிக்கவே தமிழில் 216(உயிர்மெய்) சார்பெழுத்துகள் உருவாக்கப்பட்டன. மூச்சை இப்படி 21,600 வீதம் செலவு செய்தால் ஒரு மனிதன் 120 ஆண்டுகள் வரை உயிருடன் இருக்கலாம். மூச்சின் விகிதம் கூடினால் ஆயுள் குறையும். மூச்சாற்றலை அதிகம் விரயம் செய்யாமல் பேசும் ஒரே மொழி உலகத்திலேயே தமிழ் மொழி மட்டுமே. !

    >!!< AnGeL >!!<
    LoVe Is ThE mAsteR kEy To HapPinEsS

  4. #319
    Join Date
    Jul 2011
    Location
    Lion City
    Posts
    8,510
    தமிழர்களும்... பருவக் காற்றும்..

    தமிழர்கள் கடல் வாணிபத்தில் சிறந்தவர்கள். இதற்கான சான்றுகள் உலகெங்கிலும் கிடைக்கின்றன. மலேசியாவில் தமிழ்க் கல்வெட்டு, தாய்லாந்தில் சங்க கால நாணயங்கள், கம்போடியக் கல்வெட்டில் தமிழ் மன்னனின் பெயர், சாதவாகன மன்னர் நாணயத்தில் கப்பல்படம், ஜாவாவில் கப்பல்சிற்பம், சங்க இலக்கியத் தில் யவனர் பற்றிய குறிப்புகள், ரோமானிய மன்னர் அகஸ்டஸ் அவையில் பாண்டிய மன்னனின் தூதன், தமிழ்நாட்டில் கிடைக்கும் ஆயிரக் கணக்கான ரோமானிய நாணயங்கள், டாலமி, பிளினி போன்ற வெளி நாட்டு யாத்திரீகர்களின் பயணக் குறிப்புகள், யுவான் சுவாங் பாஹ’யான் முதலிய சீன யாத்திரிகர் குறிப்புகள் - இப்படிச் சான்றுகளின் பட்டியலை நீட்டிக் கொண்டே போகலாம்.

    தமிழர்களின் கடல் வாணிகத்திற்குப் பெரும் உறுதுணையாக அமைந்தது பருவக் காற்றாகும். ஒரு குறிப்பிட்ட பருவத்தில், ஒரு குறிப்பிட்ட திசையில் வீசும் கடற் காற்றுக்குப் பருவக் காற்று என்று பெயர்.டீசலினால் இயங்கும் ராட்சதக் கப்பல்களும், நீராவியால் ஓடும் பெரிய கப்பல்களும் கண்டு பிடிப்பதற்கு முன்னர் மனிதர்கள் கண்டு பிடித்த கப்பல் காற்றினாலேயே இயங்கின. காற்றின் இரகசி யத்தை அறிந்தவர்கள் குறிப்பிட்ட நாளில் புறப்பட்டு,குறிப் ிட்ட இடத்தை அடைவது எளிதாக இருந்தது. இதற்காக அவர்கள் பிர மாண்டமான பாய்மரக் கப்பல்களைக் கட்டினர்.

    பருவக் காற்றின் இரகசியத்தை அறிந்து வைத்திருந்த யவனர்களும், அராபியர்களும் அதை வெளி நாட்டவர்களுக்குக கற்றுத்தர வில்லை என்றும் தமிழர்கள் நடத்திய கப்பல் போக்குவரத்து கடற்கரையையொட்டி'' நடைபெற்ற கப்பல் போக்குவரத்துத் தான் என்றும் ஒரு கருத்து நிலவுகிறது.

    பருவக் காற்றின் சக்தியை முதன் முதலில் கண்டு பிடித்தவர் ஹ’ப்பாலஸ் என்ற கிரேக்க நாட்டு அறிஞரென்றும், கிளாடியஸ் என்ற ரோமானிய மன்னன் காலத்தில் தான் பருவக் காற்றைப் பயன்படுத்திக் கப்பல் விடுவது அதிகரித்த தென்றும், மேலைநாட்டு அறிஞர்கள் எழுதி வைத்துள்ளனர். ஆனால் புறநானூறு முதலிய சங்க கால நூல்களைப் படிப்போர்க்கு இந்தக் கூற்றில் பசையில்லை என்பதும், மேலை நாட்டாரின் வாதம் பொய் என்பதும், உள்ளங்கை நெல்லிக்கனியென விளங்கும்.

    வெண்ணிக் குயத்தியார் என்ற பெண் புலவர் கரிகால் பெருவளத் தானைப் புகழ்ந்து பாடிய புறநானூற்றுப் பாடல் காற்றின் சக்தியால் தமிழர்கள் கலம் (கப்பல்) செலுத்தியதைத் தெளிவாகப் படம் பிடித்துக் காட்டுகிறது. அந்தப் பாடல் வரிகள் கரிகாலன் ஆண்ட காலத்தைப் பற்றிக் கூடப் பேசவில்லை. அவனுடைய முன்னோர் களின் காலத்தில் காற்றின் விசையால் கப்பல்கள் விடப்பட்டதைப் புகழ்ந்து பேசுகிறது. அந்த வரிகள்,

    ''நளியிரு முன்னீர் நாவாய் ஓட்டி
    வளிதொழில் கண்ட உரவோன் மருக!
    களிஇயல் யானைக் கரிகால் வளவ!
    - (புறநானூறு - பாடல் 66)

    ''வளவனே! உனது முன்னோர்கள் காற்று இயக்கும் திசையை அறிந்தே அதற்கான பொறிமுறைகளைப் பொருத்திக் கப்பல் செல்லுமாறு செய்த அறிவாற்றல் உடையவர்கள். மதயானை மிகுந்த படைகளை உடைய கரிகால் வளவ!'' என்று உரையாசிரியர்கள் பொருள் எழுதி வைத்துள்ளனர் இப்பாடல் வரிகளுக்கு.

    இப்பொழுது ஒரு கேள்வி எழும். கரிகால் வளவனின் காலம் என்ன? கிரேக்க அறிஞர் ஹ’ப்பாலஸ’ன் காலம் என்ன? யார் முதலில் வாழ்ந்தவர்?

    கிரேக்க அறிஞர் ஹ’ப்பாலஸ் இன்றைய இரண்டாயிரம் ஆண்டுகளுக்கு முன்னர் வாழ்ந்தவர். ஆனால் கரிகால் சோழனோ அதற்கு முன்னர் குறைந்தது இருநூறு ஆண்டுகளுக்கு முன்பு வாழ்ந்ததாக வரலாற்றுச் சான்றுகள் கூறுகின்றன. அதாவது இன்றைக்கு இரண்டாயிரத்து இருநூறு ஆண்டுகளுக்கு முன்னர் வாழ்ந்தவர் (கி.மு. 2ம் நூற்றாண்டு). மேலும் இப்பாடல் கரிகாலன் முன்னோர்களே காற்றின் விசையைப் பயன்படுத்திக் கப்பல் விட்டதாகக் கூறுகிறது. (முக்கியச் சொற்களின் பொருள்: - வளி - காற்று, முந்நீர் - கடல், நாவாய் - கப்பல்)

    கிளாடியஸ் என்ற ரோமானிய மன்னர் காலத்தில் இந்த வழக்கம் பெரிதும் அதிகரித்த தென்று முன்னர் கண்டோம்.அவன் இயேசு கிறிஸ்துவுக்குச் சம காலத்தில் ஆட்சி புரிந்த மன்னன். ஆகவே கிரேக்கர்களுக்கு முன்னரே பருவக் காற்றைப் பயன் படுத்திக் கப்பல் விட்டது தமிழன் தான் என்று அடித்துக் கூறலாம்.

    பழந்தமிழ் இலக்கியத்தில் மேலும் பல இடங்களில் இதே போன்ற குறிப்புகள் வருகின்றனயவனர்கள பற்றிய பலகுறிப்புகளும் உள்ளன.

    ''கப்பல்'' என்ற தமிழ்ச் சொல் கூட உலகெங்கிலும் வெவ்வேறு வகையில உருமாறி வழங்குகிறது கப்பல் - skip - ship

    ஜெர்மானிய மொழியில் ''ஸ்கிப்''என்றும் ஆங்கிலத்தில் ''ஷ’ப்'' என்றும் உருமாறி விட்டது தமிழ்ச் சொல் கப்பல்!

    ''கட்டமரான்'' (catamaran) என்ற சொல்லை மத்திய அமெரிக்க நாடான மெக்ஸ’கோவில் பயன்படுத்துகின்ற ர். மெக்ஸ’கோவில் மாயா, இன்கா, அஸ்டெக் போன்ற பழம் பெரும் நாகரீகச் சின்னங்களை இன்றும் காணலாம்.

    ''நாவாய்'' (படகு, கப்பல்) என்ற சொல்லும் தமிழ் அல்லது வட மொழியில் இருந்து உலகம் முழுதும் சென்றது.

    நாவாய் - NavY - Navy

    இலங்கையின் வரலாற்றைக் கூறும் மகாவம்சம், ''எல்லாளன்'' என்ற சோழ மன்னனின் அறநெறி ஆட்சியைப் பெரிதும் புகழ்ந்து பேசுகிறது. இது ''ஏழாரன்'' (ஏழு மன்னர்களை வென்று ஏழு ஆரம் அல்லது ஏழு மணி முடிகளை அணிந்தவன்) என்ற சொல்லின் திரிபாக இருக்கலாம். சிலர் இந்தச் சோழ மன்னனைக் கரிகாலனாக இருக்கலாம் என்று கருதுகின்றனர். ஏனெனில் இருவரின் காலமும் ஏறத்தாழ ஒன்று தான். எல்லாள மன்னனின் கதை மனுநீதிச் சோழன் கதை போலவே உள்ளது. ஒரு பசுவின் கன்றைக் கொன்ற தன் மகனையே தேரின் சக்கரத்தில் வைத்துக் கொன்றான் மனுநீதிச் சோழன் என்று சிலப்பதிகாரம், மணிமேகலை, பெரிய புராணம் ஆகியவை கூறுகின்றன. ஆனால் இருவரும் ஒருவரா என்று அறிய மேலும் ஆராய வேண்டும். சோழ மன்னர்கள் இலங்கை, மற்றும் ஜாவா, சுமத்ரா (தற்கால இந்தோனேஷ’யா) வரை கடலில் சென்று வென்றனர்.

    கம்போடியா, வியட்நாம், லாவோஸ் ஆகிய நாடுகளில் 800க்கும் அதிகமான சமஸ்கிருதக் கல்வெட்டுகள் உள்ளன. இவைகளில் மிகவும் பழமையான இரண்டாம் நூற்றாண்டுக் கல்வெட்டு ''ஸ்ரீமாறன்'' என்ற பெயரைக் குறிப்பிடுகிறது. இவன் அங்கு சென்ற பாண்டிய மன்னன் அல்லது தளபதியாக இருக்கலாம். புறநானூற்றில் கடலுள் மாய்ந்த இளம் பெருவழுதி என்ற பாண்டிய மன்னன் எழுதிய பாடல் ஒன்று உள்ளது. இவன் கடலில் செல்லும் போது உயிர் நீத்தவன் என்பதை அவனுடைய பெயரே கூறிவிடும்.

    தமிழர்களின் கடலாட்சிக்கு ஏராளமான சான்றுகள் இருப்பினும் முதலில் பருவக் காற்றைக் கண்டு பிடித்து, பயன்படுத்தியது தமிழனே என்பதற்கு இந்தச் சான்றுகளே போதும் அல்லவா?

    >!!< AnGeL >!!<
    LoVe Is ThE mAsteR kEy To HapPinEsS

  5. #320
    Join Date
    Jul 2011
    Location
    Lion City
    Posts
    8,510
    தமிழில் ஆண்கள் பெண்களுக்கு மட்டுமல்ல பூக்களுக்கும் பருவங்கள் உண்டு. அரும்புவது முதல் வாடி வதங்குவது வரை பருவ நிலை உங்கள் பார்வைக்கு. வேறெந்த மொழியிலாவது உண்டா?







    >!!< AnGeL >!!<
    LoVe Is ThE mAsteR kEy To HapPinEsS

  6. #321
    Join Date
    Jul 2011
    Location
    Lion City
    Posts
    8,510
    சங்க இலக்கியமான புறநானூற்றிலே உறையூர் முதுகண்ணன் என்னும் புலவர் இன்றைய விஞ்ஞான உலகம் ஆச்சரியப்படும் வகையில் ஒரு குறிப்பைச் சொல்கிறார்.

    சூரியன் ஒரு பாதையில் நகர்ந்து கொண்டிருக்கின்றத . அது இவ்வளவு கால எல்லையில் இந்தளவு தூரத்தைக் கடக்கும். அதனால் அதன் வேகத்தைக் கணிக்கக் கூடிதாக இருக்கின்றது. அது செல்லும் வான மண்டலத்தில் ஒரு எல்லை வரை காற்றின் திசை இப்படி இருக்கும். ஈர்ப்புச் சக்தியும் அங்கு உண்டு. அதற்கு மேலே காற்றே இல்லாத அண்ட வெளியும் இருக்கின்றது. அதிலே ஈர்ப்பு விசையும் இல்லை. இதையெல்லாம் நேரே போய்ப் பார்த்து ஆராய்ந்து அறிந்து வந்த வானியல் அறிஞர்களும் நம்மிடையே இருக்கிறார்கள்.

    செஞ் ஞாயிற்றுச் செலவும்
    அஞ் ஞாயிற்றுப் பரிப்பும்
    பரிப்புச் சூழ்ந்த மண்டிலமும்
    வளி திரிதரு திசையும்
    வறிது நிலைஇய காயமும்
    என்றிவை
    சென்று அளந்து அறிந்தார் போல
    என்றும் இனைத்து என்போரும் உளரே

    இது உண்மையானால் அந்தத் தமிழர்கள் எதிலே சூரியனை ஆய்வு செய்யப்போனார்கள். நாசா கூட இன்றும் நெருங்க அஞ்சும் சூரியக் கிரகத்தை போய்ப் பார்த்தோம் என்று ஏட்டிலே குறித்து வைத்தால் மட்டும் போதுமா? என்ற கேள்வி எழுகின்றது. அதற்கும் புறநானூறு விடை சொல்கின்றது.

    இன்றைய விஞ்ஞானிகள் விண்கலங்களில் தானே விண்வெளியை ஆய்வு செய்கிறார்கள் அந்த விண்கலங்கள் எங்களிடம் அன்றே இருந்தன என்கிறது புறநானூறு. அதிலும் சில விமானிகள் இருந்து செலத்தாமல் தாமே புறக்கட்டளைகளை ஏற்று இயங்கும் தானியங்கி விண்கலங்கள் என்கின்றனர்.

    புலவர் பாடும் புகழுடையோர் விசும்பில்
    வலவன் ஏவா வான ஊர்தி எய்துப

    இதன் பொருளைப் பாருங்கள்! விசும்பு என்றால் ஆகாயம்; வலவன் என்றால் சாரதி; ஏவாத என்றால் இயக்காத; வானவூர்தி என்றால் விமானம். விண்ணிலே விமானி இருந்து இயக்காத விமானம் என்பது தானே கருத்து. இப்படி ஒரு விமானம் இருந்ததா இல்லையா என்பது வேறு விடயம். இப்படி ஒரு சிந்தனை விமானப் பறப்புக்கு அடித்தளம் இட்ட ரைட் சகோதராகள் பிறப்பதற்கு முன்பே புறநானூற்றில் இடம்பெற்று விட்டது என்பது தான் நாம் எண்ணிப்பார்க்க வேண்டியதொன்றாகும . விமானி இல்லாத விமானங்கள் என்று பிரித்துக் காட்டியதால் அதற்கு முதலே விமானிகள் செலுத்தும் விமானங்கள் இருந்திருக்க வேண்டும்.

    "எதிரிகளால் நாடு சூழப்பட்ட போது அன்னப் பறவை போன்ற விமானத்தில் ஏறிப் பலகனியில் இருந்து தப்ப வைக்கப்பட்ட கர்ப்பிணியான அரசி விமானம் விபத்துக்கு உள்ளாகிக் காட்டிலே விழுந்த போது தான் சீவக வழுதியைப் பெற்றெடுத்தாள்" என்று திருத்தக்க தேவரின் "சீவக சிந்தாமணி" சொல்கிறது. பலகணியில் இருந்து புறப்பட்டதால் கெலியாக (Heli) இருக்குமா என்ற கேள்விக்கும் இடம் இருக்கிறது.

    கம்பராமாயணத்திலே ஒரு செய்தியைப் பாருங்கள். இராவணன் விமானத்திலே சீதையைக் கவர்ந்து போய்விட்டான். இது புளித்துப் போன செய்தி! இராமரும் தம்பியும் தேடிப் போகிறார்கள். இராவணனின் விமானச் சக்கரங்கள் மண்ணிலே உருண்டு சென்ற அடையாளங்கள் தெளிவாகத் தெரிகிறது. அதைப் பின்பற்றிச் செல்கிறார்கள். ஆனால் போகப் போக தெளிவாகத் தெரிந்த சக்கரச் சுவடுகள் தெளிவில்லாமல் ஆகி விடுகின்றன. மண்ணிலே பட்டும் படாமலும் தெரிகின்றன. ஒருகட்டத்துக்கு மேல் விமானத்தின் சுவடுகளே இல்லை. ஆம்! விமானம் ஓடுபாதையில் ஓடி வானத்தில் எழுந்து போய்விட்டது.

    மண்ணின் மேல்அவன் தேர்சென்ற சுவடு எல்லாம் ஆய்ந்து
    விண்ணில் ஓங்கிய ஒருநிலை மெய்யுற வெந்த
    புண்ணில் ஊடுஒரு வெல்என மனம்மிகப் புழுங்கி
    எண்ணி நாம்இனிச் செய்வது என்ன இளவலே என்றான்.

    விமானங்கள் ஓடுபாதையில் ஓடி வேகம் எடுத்து புவியீற்பை முறித்த பின்தான் மேலே எழ முடியும் என்ற விஞ்ஞான விளக்கம் சோழர் காலத்துக் கவிஞனான கம்பனுக்கு எப்படித் தெரிந்து இருந்தது. விமானப் பறப்பை நேரில் கண்டானா? இல்லை அது தொடர்பான ஏடுகள் அந்த அறிவை வழங்கினவா? தாடியும் சடாமுடியும் கொண்டதாகச் சித்தரிக்கப்படும சங்கப் புலவர் கூட்டத்தில் விமானங்களை வடிவமைக்கும் திறன் தெரிந்த பொறியியலாளரும் இருந்தார்களா என்பதெல்லாம் ஆய்வுக்கு உரிய விடயங்கள்.

    இப்படியான வானியல் அறிவுக்கு கணக்கிலும் பௌதீகத்திலும் புவியியலிலும் தமிழன் அறிவு மிக்கவனாக இருந்திருக்க வேண்டும் என்பது உண்மைதான்!







    >!!< AnGeL >!!<
    LoVe Is ThE mAsteR kEy To HapPinEsS

  7. #322
    Join Date
    Jul 2011
    Location
    Lion City
    Posts
    8,510
    பழந்தமிழர் கண்ட இன்றைய உண்மை...

    பெரும்பாலான உலக மக்கள் தாலமியின் தவறான அறிவியல் கண்டுபிடிப்பை(???) நம்பி கொண்டிருந்த பொழுது அதே தாலமியின் காலகட்டத்திற்கு முன்பே தமிழரின் சரியான, புரட்சியான விஞ்ஞான கண்டுபிடிப்பை ஒருவரும் அறியவில்லையே?

    தாலமி இரண்டாயிரம் ஆண்டுகட்கு முன்பு {கி.மு 1(க)-ம் நூற்றாண்டில்} வாழ்ந்த எகிப்து வானவியலாளர் ஆவார். இவர் பூமியை சுற்றியே சூரியன், கோள்கள், ஏன் விண்மீன்கள் கூட சுற்றிவருகின்றன தன் கண்டுபிடிப்பாக அறிவித்தார். இந்த அறிவியல்(!!!) கண்டுபிடிப்பானது கோபர் நிக்கஸ், கலீலியோ வரும் வரை அதாவது கிட்டதட்ட கி.பி 1500 வருடங்கள் கோலோச்சியது.

    ஆனால் கி.மு 3ஆம் நூற்றாண்டுக்கும் கி.பி 2ஆம் நூற்றாண்டுக்குமி ையில் பாடப்பட்டவையான சங்க இலக்கியங்களில் ஒன்று பட்டினப்பாலையில் குறிப்பிடப்பட்டு ்ளது. “கடியலூர் உருத்திரங்கண்ணனா ்” என்ற புலவரால் பாடப்பட்டது. இதில் வரும் 67 – 72 வரையான வரிகள் தான் மேற்கூறிய நம் ஊகத்துக்கு சான்றளிக்கின்றன:

    “நீனிற விசும்பின் வலனேர்பு திரிதரு
    நாண்மீன் விராய கோண்மீன் போல,
    மலர் தலை மன்றத்தும் பலருடன் குழீகிக்,
    கையினும் கலத்தினும் மெய்யுறத் தீண்டிப்,
    பெருஞ்சினத்தாற் புறக்கொடாஅ,
    திருஞ்செருவின் இகன்மொய்ம்பினோர்

    இதன் பொருள் இதுதான்…
    “சூரியனை சுற்றி வரும் கோள்களைப் போல இந்த வீரனை அனைவரும் சூழ்ந்து கொண்டு தாக்குகின்றனர். ஆனால் இந்த வீரன் ஒருவனே அனைவரையும் சமாளிக்கின்றான்”

    இலக்கியத்தைப் பொறுத்தவரை, உவமைக்கு பயன்படும் பொருள் ஏற்கனவே மக்களால் அறியப்பட்டதாகத் தான் இருக்கும்.

    உதாரணமாக, “மதி போன்ற முகம்” என்ற உவமையைக் கவனித்தவுடன் நாம் முதலில் சந்திரனையே எண்ணுகிறோம்; பின்பு அதை குறிப்பிட்ட முகத்துடன் ஒப்பிட்டுப் பார்க்கிறோம். எப்போதும் உவமை என்பது, ஏற்கனவே அறிந்த ஒன்றுடன், தெரியாததை ஒப்பிட வைத்து குறிப்பிட்ட விடயத்தை எமக்கு இலகுவாகப் புரியவைக்கிறது.

    இங்கோ, எதிரிகள் சூழ்ந்த மாவீரன் என்பதே, கோள்கள் சூழ்ந்த சூரியன் என்று தான் உவமிக்கப்படுகின் து என்பது அக்காலத் தமிழர், ஞாயிறையே ஏனைய கோள்கள் சுற்றிவருகின்றன என்ற உண்மையை அறிந்திருந்தார்க ் என்பதற்கு சான்றாக இல்லையா???

    எவ்வளவு பெரிய அறிவியல் உண்மையை, இந்தப் பழந்தமிழ் இலக்கியம், சர்வசாதாரணமாக, அதேவேளை மிகுந்த அடக்கத்துடன் சொல்கிறது??







    >!!< AnGeL >!!<
    LoVe Is ThE mAsteR kEy To HapPinEsS

  8. #323
    Join Date
    Jul 2011
    Location
    Lion City
    Posts
    8,510
    சும்மா கிடந்த சங்கை ஊதி கெடுத்தான் ஆண்டி.

    சும்மா கிடந்த சங்கை ஊதி கெடுத்தான் ஆண்டி.
    -----------------------------------------------------------------------
    அழகான வெண்மை நிறம் கொண்ட சங்கு ஒன்று இருந்தது. பிறரிடம் யாசித்து உண்ணும் சிவனடியார் ஒருவர் அந்த சங்கை எடுத்து ஊதியதால் அது கெட்டு விட்டது.
    பெருமாளுக்கு உரிய அந்தச் சங்கு சிவபக்தி கொண்ட ஒருவர் எடுத்து ஊதியதும் கெட்டு விட்டது என்றும் பொருள் கொள்ளலாம். அக்காலத்தில் வைணவ, சைவ மதங்கள் தழைத்தோங்கி இருந்தன. சைவம்தான் சிறந்தது என்று சிவனை வணங்குபவர்களும், வைணவம்தான் சிறந்தது என்று பெருமாளை வணங்குபவர்களும் நினைத்தனர். ஹரியும் சிவனும் ஒன்று என்ற நடுநிலைக் கருத்து கொண்டவர்களும் இருக்கவே செய்தனர்.
    பொதுவான நோக்கில் அமைதியாக இருக்கும் ஒருவனை சண்டைக்கோ அல்லது வம்புக்கோ இழுக்கும்போதும் சும்மா கிடந்த சங்கை ஊதிக் கெடுத்தான் ஆண்டி என்ற பழமொழி பயன்படுத்தப்படுக றது. அமைதி நிலவும் சூழல் உள்ள ஒரு இடத்தில் அமளி உண்டாக்கும் செயலுக்கு இம்மொழி பயன்படுத்தப்படுக றது.
    இது இல்லாமல் இன்னொரு கோணத்தில் இதை ஆழ்ந்து நோக்கினால் வேறொரு புராண நிகழ்வு ஒளிந்திருப்பதைக் காண முடியும்.
    தேவர்களுக்கும் அசுரர்களுக்கும் பாற்கடலை கடைவதில் போட்டி ஏற்பட்டது. மந்தர மலையை மத்தாகக் கொண்டு வாசுகி என்னும் பாம்பை கயிறாக்கி இருசாராரும் போட்டிப் போட்டுக் கடைந்தனர்.
    அப்படிக் கடையும்போது வெளிப்படும் அமிர்தம் யாருக்கு என்பது போட்டி.
    அமிர்தம் அசுரர் கைகளுக்குச் சென்று விட்டால் அவர்கள் தேவர்களை அழித்து விடுவார்கள். உலகை கெட்டதுதான் ஆட்சி செய்யும். எனவே அமுதம் தங்கள் கையில் கிடைக்க தேவர்கள் வேண்டினர்.
    இந்நிலையில் இருவருக்கும் இடையில் மாட்டிக்கொண்டு இன்னல் பட்ட வாசுகிப் பாம்பு வலி பொறுக்க முடியாமல் விஷத்தைக் கக்கி விட்டது.
    விஷமானது பாற்கடலில் விழுந்தது. அது கடல் முழுவதும் பரவுவதற்கு முன் தேவர்கள் பயந்து போய் சிவனை அழைத்தனர். தக்க வழியொன்று கேட்டனர்.
    உடனே சிவன் சிறிதும் யோசிக்காமல் அலைகள் மீது பரவ முற்பட்ட விஷத்தை அள்ளி நொடியில் குடித்து விட்டார். பக்கத்தில் இருந்த பார்வதி, சிவனுக்கு ஆபத்தாகி விடுமே என்று மனைவிக்கே உரிய கரிசனத்துடன் விஷம் உள்ளே செல்ல முடியாதபடி கழுத்தை இறுக்கிப் பிடித்துக்கொண்டா ்.
    பார்வதி கழுத்தைப் பிடித்த காரணத்தால் விஷம் உள்ளேயும் செல்லவில்லை. வெளியேயும் வரவில்லை. அப்படியே சிவனின் தொண்டையிலேயே நின்றது.
    சாதாரணமாக குரல்வளையை யாராவது பிடித்தால் மயக்கமுறுவது போல் சிவன் பார்வதி பிடித்த பிடி, விஷம் இரண்டுக்கும் சேர்த்து மயக்க முற்றான்.
    அத்துடன் கழுத்தில் விஷம் நின்றதால் தொண்டைக்குழி கொஞ்சம் முன்னாடி நீட்டிக்கொண்டு வீங்கியது. நீல நிறமாகவும் மாறியது.
    மாறிய கழுத்து மாறவே இல்லை. அப்படியே நின்றுபோனது.
    ஆகையால் அது முதல் சிவனுக்கு நீலகண்டன் என்ற பெயரும் வந்தது.
    கழுத்துக்கு சங்கு என்றொரு பெயரும் உண்டு. சிலர் சண்டையிடும் நேரத்தில் `சங்கை அறுத்துடுவேன்' என்று பேசிக்கொள்வதை கவனித்து இருக்கலாம்.
    ஊதுதல் என்றால் வீங்குதல் என்று பொருள். அடிபட்ட இடம் வீங்கிப் போச்சு என்றால் பெரிதாகி விட்டது என்பதுதான் பொருள்.
    சும்மா என்பதற்கு இயல்பாக, விளையாட்டாக என்று பொருளாகிறது.
    ஆக இயல்பாக இருந்த சிவனின் கழுத்து விஷத்தை முன் பின் யோசிக்காமல் எடுத்துக் குடித்ததால் வீங்கி விட்டது என்பதுதான் பொருள்.
    இங்கே ஆண்டி என்பது சிவனையே குறிக்கிறது.
    இப்பழமொழி `சும்மா கிடந்த சங்கை ஊதி கெட்டான் ஆண்டி' என்றும் சொல்லலாம்.







    >!!< AnGeL >!!<
    LoVe Is ThE mAsteR kEy To HapPinEsS

  9. #324
    Join Date
    Jul 2011
    Location
    Lion City
    Posts
    8,510
    சிவபூஜையில் கரடி என்ற வழக்கு சொல்லுக்கு விளக்கம் - கரடிகை என்ற புராதான தமிழர் இசை கருவி.

    சிவ பூஜையில் கரடி(கை)
    நமக்கு தேவை இல்லாத ஒரு நபர் தேவையில்லாத நேரத்தில் வந்து விட்டால் அவரை சிவ பூஜையில் கரடி என்று சொல்கிறோம்.
    அவரால் நமக்கு தொந்தரவு ஏதும் ஏற்படாவிட்டாலும் அவரது வருகைக்கே முகம் கோணி விமர்சிப்பதுதான் சிவபூஜையில் கரடி என்னும் பழமொழி
    முதலில் கரடி என்பது சரியான சொல் அல்ல. கரடிகை என்பதுதான் சரியான சொல்.
    வழக்கம் போல் நம்முடைய வசதிக்கேற்ப `கை'யை விட்டு விட்டோம்.
    பழங்காலத்தில் தெய்வ வழிபாட்டின் போது பல்வேறு இசைக்கருவிகள் வாசிக்கப்பட்டன. அவற்றில் ஒன்று கரடிகை. மிருதங்கத்தைப் போலவே மரம் மற்றும் மிருகத்தின் தோலினால் செய்யப்பட்டக் கருவி. இவை தாளவிசை கருவியாகப் பயன்பட்டது.

    கம்பராமாயணத்தில் வரும் ஒரு பாடல்(8445) மூலம் கரடிகை என்ற இசைக்கருவி இருந்ததை நாம் அறிந்து கொள்ளலாம்.
    கும்பிகை திமிலைசெண்டை
    குறடுமாம் பேரிகொட்டி
    பம்பை தார்முரசும் சங்கம்
    பாண்டில் போர்ப்பணவம் தூரி
    கம்பலி உறுமை தக்கை
    கரடிகை துடிவேய் கண்டை
    அம்பலி கனுவை ஊமை
    சகடையோ டார்த்தவன்றே
    என்ற பாடலில் வரும் சொற்கள் அனைத்துமே அக்காலத்தில் பயன்பட்ட இசைக்கருவிகளை பட்டியலிடுகிறது. அவற்றில் ஒன்று கரடிகை.

    திருவலம் அருகே உள்ள ஒரு கோயில் கல்வெட்டில் அக்கோயிலில் இருந்த இசைக்கருவிகளை பட்டியலிடும்போது,
    மத்தளம் எட்டும்
    தாளம் ஒன்றும்
    கரடிகை ஒன்றும்
    கண்டையாறும்
    திமிலையயொன்றும்
    என்று குறிப்பிடப்பட்டு ்ளது. கோயில்களில் ஒரே விதமான இசைக்கருவிகைளப் பயனபடுத்தாமல் நேரத்துக்கு ஒரு இசையை வாசிக்கும் பழக்கம் அக்காலத்தில் இருந்திருக்கிறது. ட்டு மொத்த்மாகவும் வாசிக்கும் பழக்கம் இருந்திருக்கிறது. சிவன் கோயில்களில் இக்கருவிகள் பயன்படுத்தப்பட்ட ள்ளன.
    பெருமாள் கோயில்களில் வீணை, யாழ், குழல் போன்றவை பயன்படுத்தப்பட்ட ள்ளன.
    ஆக சிவாலயங்களில் வழிப்பாட்டிற்காக ஒலியெழுப்பப்படும கருவிகளில் ஒன்றுதான் கரடிகை.

    `அருணகிரிநாதர் பிள்ளைத்தமிழ்' என்னும் நூலிலும் தாளவிசைக் கருவிகள் எவை என்பதை குறிப்பிடும்போது
    `இடக்கை சல்லிகை கரடிகை பேரிகை
    இசைக்கும் குடமுழவு...' என்று அப்பாடல் நீள்கிறது.
    ஆகையால் கரடி என்பது தவறு. கரடிகை என்பதே சரி.
    இது ஏன் தேவையற்ற இடத்தில் ஒருவர் வரும்போது பயன்படுத்தப்படுக றது?
    நாற்றம் என்ற சொல் முன்பு வாசனைக்காக பயன்படுத்தப்பட்ட ு. நல்ல நறுமணத்தைக் குறிக்கும் சொல்லாக இருந்த நாற்றம் இப்போது கெட்ட வாசனையை குறிக்கும் பொருளில் பயன்படுத்தப்படுக றது.

    அதே போல்தான் கடவுளை துதிக்கும் இடத்தில் பயன்படுத்தப்பட்ட கரடிகை, இப்போது இடையூறு ஏற்படுத்தக்கூடிய பொருள் வரும்படியாக மாறிவிட்டது.
    இசையின் வடிவமான கரடிகை, வெறுத்து ஒதுக்கப்படும் பொருளில் வருவது காலத்தின் மாறுபாடன்றி வேறென்ன சொல்ல.




    >!!< AnGeL >!!<
    LoVe Is ThE mAsteR kEy To HapPinEsS

  10. #325
    Join Date
    Jul 2011
    Location
    Lion City
    Posts
    8,510
    தமிழக கிராமங்களில் மணி அறியும் உத்தி!

    கிராமங்களில் உள்ள தொழிலாளர்கள் தங்கள் தங்கள் தொழிலுக்குப் புறப்படவேண்டிய நேரத்தைக் கீழேகுறிப்பிடுள் பறவைகளின் ஒலி மூலம் தெரிந்து புறப்படுகிறார்கள

    பறவை சப்திக்கும் நேரம்
    கரிச்சான் குருவி 3.௦௦ மணி
    செம்போத்து 3.30 மணி
    குயில் 4.00 மணி
    சேவல் 4.30 மணி
    காகம் 5.00 மணி
    மீன் கொத்தி 6.00 மணி








    >!!< AnGeL >!!<
    LoVe Is ThE mAsteR kEy To HapPinEsS

  11. #326
    Join Date
    Jul 2011
    Location
    Lion City
    Posts
    8,510
    தமிழில் உள்ள மொத்த எழுத்துக்கள் 247, இந்த 247 எழுத்துக்களில் 42 எழுத்துக்கள் ஓரெழுத்து சொல்லாக விளங்குகின்றன அதாவது இந்த 42 எழுத்துக்களுக்கு ் தனியாக பொருள் உண்டு. அவற்றைத் தெரிந்து கொள்வோம்

    அ -----> எட்டு
    ஆ -----> பசு
    ஈ -----> கொடு, பறக்கும் பூச்சி
    உ -----> சிவன்
    ஊ -----> தசை, இறைச்சி
    ஏ -----> அம்பு
    ஐ -----> ஐந்து, அழகு, தலைவன், வியப்பு
    ஓ -----> வினா, மதகு - நீர் தாங்கும் பலகை
    கா -----> சோலை, காத்தல்
    கூ -----> பூமி, கூவுதல்
    கை -----> கரம், உறுப்பு
    கோ -----> அரசன், தலைவன், இறைவன்
    சா -----> இறப்பு, மரணம், பேய், சாதல்
    சீ -----> இகழ்ச்சி, திருமகள்
    சே -----> எருது, அழிஞ்சில் மரம்
    சோ -----> மதில்
    தா -----> கொடு, கேட்பது
    தீ -----> நெருப்பு
    து -----> கெடு, உண், பிரிவு, உணவு, பறவை இறகு
    தூ -----> வெண்மை, தூய்மை
    தே -----> நாயகன், தெய்வம்
    தை -----> மாதம்
    நா -----> நாக்கு
    நீ -----> நின்னை
    நே -----> அன்பு, நேயம்
    நை -----> வருந்து, நைதல்
    நொ -----> நொண்டி, துன்பம்
    நோ -----> நோவு, வருத்தம்
    நௌ -----> மரக்கலம்
    பா -----> பாட்டு, நிழல், அழகு
    பூ -----> மலர்
    பே -----> மேகம், நுரை, அழகு
    பை -----> பாம்புப் படம், பசுமை, உறை
    போ -----> செல்
    மா -----> மாமரம், பெரிய, விலங்கு
    மீ -----> ஆகாயம், மேலே, உயரம்
    மு -----> மூப்பு
    மூ -----> மூன்று
    மே -----> மேன்மை, மேல்
    மை -----> அஞ்சனம், கண்மை, இருள்
    மோ -----> முகர்தல், மோதல்
    யா -----> அகலம், மரம்
    வா -----> அழைத்தல்
    வீ -----> பறவை, பூ, அழகு
    வை -----> வைக்கோல், கூர்மை, வைதல், வைத்தல்
    வௌ -----> கௌவுதல், கொள்ளை அடித்தல்







    >!!< AnGeL >!!<
    LoVe Is ThE mAsteR kEy To HapPinEsS

  12. #327
    Join Date
    Jul 2011
    Location
    Lion City
    Posts
    8,510
    ஹிந்து மத திருமணம் - சில சடங்குகளின் அர்த்தங்கள் -


    7. மிஞ்சி (மெட்டி)

    பெண்களுக்கு திருமணத்திற்கு முன் கிடைப்பவை மூன்று
    1. மஞ்சள், 2. நெற்றியில் குங்குமம், 3. தலையில் புஷ்பம்.
    திருமணத்திற்குப் பிறகு கிடைப்பவை மூன்று.
    1. தலைவகிட்டில் உச்சித் திலகம் 2. கழுத்தில் கணவனால் அணியப்பெற்ற மாங்கல்யம் 3. கால் விரல்களில் அணியும் மிஞ்சி (மெட்டி, உருட்டு) ஆகும்.

    மிஞ்சி திருமணத்தில் கணவன் மணமகளின் வலக் கால் கட்டை விரலைப் பிடித்து ஏழு அடி எடுத்து வைத்து (ஸப்தபதி) அம்மி மீது வைத்து மிஞ்சி (மெட்டி) அணிவிப்பது, வைதீக முறையில் நடத்தும் திருமணத்தில் முக்கிய கிரியையாக கருதப்படுகிறது.

    மிஞ்சி அணிவிப்பதன் கருத்து புத்ராத்சதகுணப்ப த்ரி: ஆண்களை விட பெண்களுக்கு அன்பு, அழகு, அறிவு, ஆற்றல், ஆசை, காமம், உழைப்பு எல்லாமே அதிகமாக உள்ளது. அன்பு வளர்க்கும். ஆசை அழிக்கும். “ஆசையறாய் பாசம் விடாய்” என்கிறது சிவஞான சித்தியார்.

    அவாவில்லார்க் கில்லாகும் துன்பம் அஃதுண்டேல்
    தவாஅது மேன்மேலும் வரும்.
    ஆசையற்றார்க்குத் துன்பமில்லை, ஆசையுள்ளவர்க்கு மேன்மேலும் துன்பம் வரும், என்பார் தெய்வப் புலவர் திருவள்ளுவர்.

    சீதா பிராட்டி தன் கணவனை அங்கு உலாவிய மானைப் பிடித்துத் தருமாறு மிகுந்த ஆசையுடன் விரும்பிக் கேட்டபோது, அது மாயமான் வேண்டாமென்று கூறியும், மிக வற்புறுத்திக் கேட்டதால் பல துன்பங்கள் அடைந்த வரலாற்றை இராமாயணம் கூறுகிறது.

    திருமணமாகும் வரை மிக்க கட்டுப்பாடுடன் இருப்பது தமிழ்நாட்டுப் பண்பாகக் கருதப்பட்டு வருகிறது. திருமணத்திற்குப் பிறகு ஆசை அளவு கடந்துவிடக்கூடாத ! என்று அதைக் கட்டுப்படுத்தத்த ன், முன்பு பத்துவிரல்களிலும மிஞ்சி (மெட்டி) அணியப்பட்டு, தற்காலம் சிலர் ஒரு விரலிலும் சிலர் இரண்டு விரல்களிலும் அணிந்து வருவதைக் காணமுடிகிறது.

    கால் விரல்களில் மிஞ்சி (மெட்டி)யை அணிவதால் மனத்தில் எழும் ஆசையைக் கட்டுப்படுத்த முடியுமா? என்ற ஐயம் ஏற்படும்.

    தலையில் எண்ணெயை வைத்து தேய்த்து சற்று நேரம் கழித்து கால்விரல்களை ஜலத்தில் மேலே காட்டினால் எண்ணெய் விரலிலிருந்து வெளிவருவதைக் காணலாம்.

    அதுபோல் ஆன்மிக அருளாளரிடம் ஆசிபெற வணங்க, அவர் திருவடிகளின் முன்பாக தலையை வைத்து வணங்கும்போது, அவர்களின் இரு திருவடிகளின் பத்து விரல்களிலிருந்து அவரின் அருளாசி கிடைக்கும் என்றும் - அவர் இரு கைகளினால் ஆசி வழங்கும்போது அது பூர்ணமாகக் கிடைக்கும் வாய்ப்பும் உண்டாகிறது.

    அந்த ஆசியானது கை விரல்களில் தங்க மோதிரங்களுடனும், கால் விரல்களிலிருந்து மிஞ்சியுடனும் கலந்து வந்து நன்மை பயக்கும். இந்து மதத்தில் இடுப்பிற்குக் கீழே தங்கம் அணியக்கூடாது என்பதால் மிஞ்சி வெள்ளியால் அணியப்படுகிறது.



    >!!< AnGeL >!!<
    LoVe Is ThE mAsteR kEy To HapPinEsS

  13. #328
    Join Date
    Jul 2011
    Location
    Lion City
    Posts
    8,510
    ஹிந்து மத திருமணம் - சில சடங்குகளின் அர்த்தங்கள் -



    6. உச்சித் திலகம் (நெற்றிப்பொட்டு)


    திருமணமான பெண், தலை உச்சி வகிட்டில் குங்குமம் இட்டுக்கொள்ள வேண்டும் என்கிறது தர்மசாஸ்திரம். பெண்களுக்கு திருமணமாகிற வரை பிறந்த வீடும், பிறகு புகுந்த வீடுந்தான் வாழ்நாள் முழுவதும் சிறப்பாக இருக்க வேண்டும்.

    ஆனால் சிலருக்கு புகுந்த வீடு நன்றாக அமைவதில்லை. காரணம் அவர்கள் தலைவிதியென்று கூறுவார்கள். தலைவிதி என கஷ்டப்படத்தான் வேணுமா? என்று சிந்தித்து அதற்கு ஒரு வழி கண்டார்கள்.

    தலைவிதி என்பது பிரம்மா தலையில் எழுதிய எழுத்து என்று கூறுவார்கள். அதை நல்லதாக மாற்ற சரணாகதியே வழியென்றும், கண்டார்கள். சரணாகதியென்பது விழுந்து நமஸ்கரித்து வணங்குவதாகும்.

    ஆண்கள் அஷ்டாங்கம் (எட்டு உறுப்புகள்) பூமியில் படும்படியாக வணங்கவேண்டும். பெண்கள் பஞ்சாங்கம் (ஐந்து உறுப்புகள்) பூமியில் படுமாறு வணங்கவேண்டும்.

    உச்சந்தலை, இரண்டு கைகள் இரண்டு முழங்கால் பூமியில் படுமாறு வணங்கவேண்டும். பெண்கள் ஸ்தனங்கள் (மார்பு) பூமியில் படக்கூடாது. பெண்கள் தன் குறைகளை, தாயிடந்தான் கூறுவார்கள். எல்லாக் குறைகளையும் கஷ்டங்களையும் நிவர்த்திப்பவள் ஜகன்மாதாவான தேவியே.

    அவள் திருவடிகளில் -
    (அன்யதா சரணம் நாஸ்தி த்வமேவ சரணம் மம
    தஸ்மாத் காருண்ய பாவேன ரக்ஷரக்ஷ மஹேஸ்வரீ)

    என்று கூறி அம்பாள் திருவடிகளை வணங்கினால் அவள் திருவடிகளில் பலர் அர்ச்சித்திருந்த குங்குமம் இவள் உச்சந்தலை வகிட்டில் ஒட்டிக்கொள்ளும்.

    அதனால் அம்பாள் திருவடியும் குங்குமமும் தலையில் பட்டதால் தலையெழுத்து அழிந்துவிடும் என்பதை அருணகிரிநாதர் “கால்பட்டழிந்தது, இங்கு என் தலைமேல் அயன் கையெழுத்தே” என்பார்.

    இதனை லலிதா ஸஹஸ்ரநாமம் “ச்ருதிசீமந்தஸிந தூரீ கிருதபாதாப்ஜதூளி ா” என்கிறது. அம்பாளுடைய பாதாப்ஜ தூளியான குங்குமம் ச்ருதி - சீமந்த தலைவகிட்டில் இட்டுக் கொள்வதால் தலையெழுத்து நல்லதாக அமையும்.

    இதனையே அரசனிடம் அமாவாசையை பௌர்ணமியென்று கூறிய அபிராமிபட்டர் தன் தலையெழுத்து அரச தண்டனைக்கு ஆளாக நேரிடும் என்று எண்ணி, அபிராமியைக் குறித்து அந்தாதி பாட முதல் பாடலில் உச்சித்திலகம் தலையெழுத்தை மாற்றும் என்பார்களே!

    என் உள்ளத்தில் எப்போதும் உரைந்திருக்கும் தேவியே! “உதிக்கின்ற செங்கதிர் உச்சித் திலகம்” என்று பாட அமாவாசை பௌர்ணமியாகி, காட்சி தந்து, அவர் தலையெழுத்து மாறியது போல திருமணமான பெண்கள் தலைவகிட்டில் குங்குமமிட்டுக் கொள்வதால் தலையெழுத்து நல்லதாக அமைந்து நல்ல கணவனுடனும் நல்ல குழந்தைகளுடனும் மகிழ்ச்சியான வாழ்க்கை அமையும்.

    >!!< AnGeL >!!<
    LoVe Is ThE mAsteR kEy To HapPinEsS

  14. #329
    Join Date
    Jul 2011
    Location
    Lion City
    Posts
    8,510
    இனிய சுதந்திர தின வாழ்த்துக்கள்..!


    நாட்டின் ஒருமைப்பாட்டை உணர்த்தும் பூஜை முறை!


    பாரத விலாஸ்: சிவன், அம்பிகை, விஷ்ணு, விநாயகர், சூரியன் ஆகிய ஐந்து தெய்வங்களையும் வழிபடும் முறைக்கு பஞ்சாயதனம் என்று பெயர். இந்த ஐந்தில் எது இஷ்ட தெய்வமோ அதை நடுவில் வைத்து, மற்ற தெய்வங்களைச் சுற்றிலும் வைத்து வழிபட வேண்டும். விக்ரகமாக வைக்காமல், இயற்கையாகக் கிடைக்கும் கற்களையே இதற்குப் பயன்படுத்துவர். நர்மதா நதியில் கிடைக்கும் கல்லை சிவலிங்கமாகவும், ஆந்திராவிலுள்ள சுவர்ணமுகி ஆற்றங்கரையில் கிடைக்கும் சுவர்ணரேகசிலா என்னும் பொன் நிறக் கற்களை அம்பிகையின் அம்சமாகவும், பீகாரில் ஓடும் சோணபத்ரா நதியில் கிடைக்கும் சிவப்புக்கற்களை விநாயகராகவும், நேபாளம் கண்டகி நதியிலுள்ள கிடைக்கும் சாளக்கிராமக் கற்களை விஷ்ணுவாகவும், தஞ்சை மாவட்டத்தில் வல்லத்தில் கிடைக்கும் ஸ்படிக கற்களை சூரியனாகவும் வைத்துக் கொள்வர். இதனோடு, முருகனை வழிபட விரும்புபவர்கள் வேல் ஒன்றையும் சேர்த்துக் கொள்ளலாம். நாட்டின் ஒருமைப்பாட்டை உணர்த்தும் பஞ்சாயதன பூஜை முறை பின்பற்றும் வீட்டை பாரத விலாஸ் என்றே பாராட்டி மகிழலாம்.

    >!!< AnGeL >!!<
    LoVe Is ThE mAsteR kEy To HapPinEsS

  15. #330
    Join Date
    Jul 2011
    Location
    Lion City
    Posts
    8,510
    திருமணம் ஆன பெண்களை வீட்டில் உள்ள பெரியவர்கள் தன் கணவன் உண்டபின் அதே இலையிலோ அல்லது தட்டிலோ உணவு உண்ணச் சொல்லுவார்கள்அது ஏன் என்று தெரியுமா?

    அதற்க்கு ஒரு காரணம் உண்டு, கணவனுக்கு பரிமாறப்பட்ட உணவை கணவன் உண்ணும்போது எல்லாவற்றையும் உண்ண மாட்டான், அவனுக்கு சில உணவுகள் பிடிக்கும் சில உணவுகள் பிடிக்காமல் இருக்கும் அப்படி பிடிக்காமல் இருக்கும் உணவை அவன் அப்படியே மிச்சம் வைத்து விடுவான்,

    அவனுக்கு பின் அதே இலையில் அல்லது தட்டில் உணவு உண்ணும் மனைவி மார்கள் கணவன் மிச்சம் வைத்த அவனுக்கு பிடிக்காத உணவு வகைகளை எளிதாக அடையாளம் கண்டு மறுமுறை சமைக்கும் பொழுது அந்தந்த உணவுகளை சமைக்காமல் தவிர்த்து விடலாம்,

    பிடித்ததை அடுத்த முறை நிறைய பரிமாறலாம், அதற்காக ஏற்படுத்தப் பட்டதே இந்த பழக்கம் ஆகும்.






    >!!< AnGeL >!!<
    LoVe Is ThE mAsteR kEy To HapPinEsS

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •  
Advertisements